Sprengjusérfræðingurinn Sigmundur Davíð

Ætli Framsóknarformaðurinn sé farinn að gera sér grein fyrir því að hann á ekki þingmannssæti í vændum ?     

Ætli hann sé að leita eftir starfi hjá Landhelgisgæslunni ?

Hann talar nær eingöngu um sprengingar en gleymir því um hvað þessar kosningar snúast.

Ég vil benda honum á að þær snúast um að rétta við sundurtætt þjóðfélag sem hans flokkur sprengdi í tætlur með góðri aðstoð Sjálfstæðisflokksins.

Framsóknarflokkurinn er tækifærisflokkur og erfitt að treysta því hvað hann gerir að loknum kosningum. Hann hefur hingað til átt erfitt með að standa við gefin loforð. Hann selur sig bara hæstbjóðanda. Guð forði okkur frá stjórn B og D lista.

Oft er sagt að allt sé betra en Íhaldið , en það ætti að bæta Framsókn við þetta orðtak.                

Allt er betra en Íhaldið og Framsókn.

 

Ræddu um að sprengja stjórnina

Athugasemdir

[Birgir Hrafn Sigurðsson, 20.4.2009 kl. 15:08]

Ég sé nú lítinn mun á Samfylkingunni og vændiskonu, svo hart selur flokkurinn sig.

[Hilmar Heiðar Eiríksson, 20.4.2009 kl. 18:45]

Sæl Rannveig,

Það er margt gott sem að kemur fá þínum flokki en ekki er ég samála því öllu.  Þetta þíðir samt ekki að þar séu allir bjánar og asnar síður en svo . Ég orðin þreyttur á því hvernig fólk úthrópar þeim einstaklingum sem eru ekki með sömu skoðanir og þau og kalli jafnvel til almættið sjálft.

Auðvitað vita allir sem vilja vita um hvað þessar kosningar snúast.  Þær snúast fyrst og fremst um að koma þessu þjóðfélagi aftur á flot eftir það hrikalega strand sem varð hér á haustmánuðum. 

Því er það óskiljanlegt að tillögur eins og þær sem koma frá þínum flokki skuli ekki eiga upp á borð á ráðamönnum þessarar þjóðar (auknar aflaheimildir= aukin atvinna)  Eins finnst mér það ótrúlegt að sú hugmynd sem að Sigmundur hefur lagt fram um leiðréttingu skulda heimila og smærri fyrirtækja skuli ekki eiga greiða leið upp á taflborðið.  Eins mætti eflaust tína til hugmyndir frá hinum flokkunum líka sem yrðu okkur öllum sem að í landinu búa til hagsbóta.  Því held ég úr því að staðan er eins og hún er að við ættum að reyna að sameyna krafta okkar í því að koma skútunni á flot aftur í stað þess að henda fúleggjum í hvort annað.

Að lokum Rannveig mín langar mig til að óska þér góðrar kosningahelgi og óska þess að útkoma flokks þíns í komandi kosningum verði betri en skoðanakannanir sína.  Eins langar mig til að upplýsa þig um að ég kem til með að kjósa FRAMSÓKN en ég ber samt fulla virðingu fyrir þínum skoðunum.

Kveðja,

Hilmar