Sjálfstæðishugsjónin og réttlætið - allt á bak og burt

Enn á ný kemur upp mál í röðum Sjálfstæðismanna sem lyktar af spillingu . Nú er það bæjarstjóri Kópavogs sem sér okkur fyrir stórum skammti af ótrúlegri skammfeilni. Gat maðurinn ekki sagt sér það sjálfur að svona gera menn ekki ef þeir vilja halda í smá trúverðugleika.

Er það virkilega svo að Sjálfstæðismenn sem komast til valda telji sig yfir allt og alla hafna. Telja þeir sig ekki þurfa að fara að einföldustu leikreglum. Þetta getur bara ekki gengið svona lengur. Við verðum að koma þessum mönnum frá öllum sem einum og hreinsa þannig út þennan ósóma sem hér viðgengst.

Ef Framsóknarmenn í Kópavogi vilja láta taka sig alvarlega er eina leiðin að slíta samstarfinu við Sjálfstæðisflokkinn og hjápa til við að hreinsa upp skítinn.

Losum okkur við Sjálfstæðismeirihluta úr öllum sveitarfélögum. Það gæti orðið mörgum sveitarfélögum til bjargar.

Það hefur oft verið sagt að það þurfi aðeins eitt skemmt epli til að eyðleggja fullan kassa af eplum. Ég held að skemmdu eplin séu orðin í svo miklum meirihluta í Sjálfstæðiskassanum að honum verði ekki bjargað og því sé nauðsynlegt að losa sig við öll eplin.