Persónulegir vinir Geirs í Seðlabankanum

Ætli það sé allt í lagi með hann Geir ?

Hann er miður sín yfir því að persónulegir vinir hans séu beðnir að víkja úr Seðlabankanum. Hann endurtók sig og segist sjálfur hafa skipað persónulegan vin sinn í stöðu Seðlabankastjóra.

Þetta sýnir okkur alveg svart á hvítu að sjálfstæðismenn eru haldnir valdafíkn og eru alveg úr takti við allt sem getur talist raunverulegt.

Er Geir orðinn veruleikafirrtur ? Það að játa fyrir alþjóð hver spilling hefur viðgengist í stjórnartíð hans og fyrirrennara hans er kornið sem fyllir mælinn.

Vonandi sjá landsmenn í gegnum allt vælið og rassskella þennan gjörspillta flokk í kosningunum í vor. Ég held að það breyti engu hver verður við stjórnvölinn. Það er sami rassinn undir þeim öllum. 

Ég hafði mikla trú á Þorgerði Katrínu sem virtist vera nokkuð sjálfstæð , en hún er sífellt að valda vonbrigðum þar sem hún skýlir sér æ meir bak við flokksvaldið.

Davíð heldur áfram að sýna sína hallæristakta. Ekki tilbúinn að tala við fréttamenn og leikur "hide and seek" í gegnum sjúkrahús til að reyna að kalla á meðaumkun landans. O , svei , lægra verður vart hægt að leggjast.

Hvar ætli leikurinn verði leikinn næst ?

Spennandi tímar !!!!!!!