Hvað er valdagræðgi ?

Í mogganum í morgun fer Geir mikinn og segir núverandi stjórnarfólk haldið valdagræðgi.                Ég skil ekki hvernig Geir vogar sér að væna aðra um valdagræðgi þegar hann og hans fólk          hefur stjórnað með frekju og stundað einkavinavæðingu í tæpa tvo áratugi. Ekki hafa þeir sjálfstæðimenn sýnt öðrum neina miskunn og ekki hafa þeir tekið neitt tillit til annarra.

Hverjum er um að kenna að allt er eins og það er í þjóðfélaginu? Varla geta sjálfstæðismenn kennt nýrri stjórn um það , eða hvað ?

Nú tala þeir í sífelldum vælutón. Allir vondir við þá og ósanngjarnir. Enginn getur gert neitt rétt nema þeir. Allt sem þeir ætluðu sér að fara að gera ef þeir hefðu bara fengið að stjórna aðeins lengur. Hvað er þetta annað en valdagræðgi ?

Í grein í mogganum í morgun er Hallgrímur Ólafsson undrandi á hve illa menn ætla að fara með slíka dánumenn sem Seðlabankastjórar eru. O , svei.  Hvað eru menn að væla yfir örlögum Davíðs ?    Davíð hefur sjálfur komið sér í þessa aðstöðu og verður að taka afleiðingunum. Má vera að hann sé góður við þá sem sem eru já-menn hans ( eins og Hallgrímur og fleiri ) en hann sýnir enga miskunn þeim sem andmæla.    

Eru sjálfstæðismenn algerlega blindir á Foringjann líkt og áður hefur gerst í mannkynssögunni ?

Ég eins og margir aðrir erum þess fullviss að Sturla hefur staðið sig vel í embætti , en enginn á neitt embætti og allir verða að sætta sig við breytingar.

 

Athugasemdir

[Sigurbjörg, 4.2.2009 kl. 14:59]

Þegar Sjálfstæðisflokksmenn ráða ekki öllu þá eru þeir sem ráða með valdagræðgi. Sama gildir reyndar um Framsóknarmenn.