Rannveig Bjarnadóttir

Varla er sá fjölmiðill opnaður að ekki blasi við nýtt hneykslismál. Ekki hittir maður svo mann að hann sé ekki reiður og hissa á framferði sinna manna og annarra.                                                                                     

En hvað sýna skoðanakannanir okkur ? Aukinn stuðningur við Samfylkinguna sem er þó ekki undanþegin óþverranum. Allir sem tala fyrir hönd Samfylkingarinnar skýla sér bak við Jóhönnu Sigurðardóttur.                    Ég veit eins og stór hluti þjóðarinnar að Jóhanna er frábær stjórnmálamaður en hú situr uppi með fólk sem er skítugt upp að eyrum.                           Er fólki alveg sama hvernig menn hegða sér á hinu pólitíska sviði ?            Enginn af þeim sem hafa tekið við fyrirgreiðslufé frá fyrirtækjum telur neitt athugavert við þetta.                                                                     Hvað er orðið um siðferðiskennd fólks ?

Sjálfstæðismönnum er refsað sem er frábært því þeir eiga það skilið. Þeir verða að fá langt frí frá stjórnarsetu.

En það sem erfitt er að skilja ,ef mark er takandi á skoðanakönnunum , að Frjálslynda flokknum sem haldið hefur fast við öll sín stefnumál og aldrei ljáð máls á að selja sannfæringu sína , skuli nú vera refsað sem sökudólgi í málum sem hann hefur hvergi komið nálægt. ´

Frjálslyndi flokkurinn telur nálægt 2000 manns og telst því ekki stór flokkur. Hann virðist þó vera einhverjum mikil ógn því ýmsir stjórnmálamenn keppast við að rakka hann niður og fjölmiðlar passa upp á að hið minnsta ágreiningsmál sem upp kemur er sett upp með stóru letri og gjallandi rödd.

Ef tekið væri á öðrum flokkum með svipuðum hætti væri lítið annað til umfjöllunar í fréttamiðlum landsins.

Í Frjálslynda flokknum ríkir nú mikil samstaða og eining um stefnumál. Þeir sem komu inn í flokkinn til þess eins að reyna að breyta stefnumálunum eru skriðnir út með skottið milli lappanna og hlutu ekki brautargengi á nýjum vettvangi. Hvað segir það okkur um þá ? Frjálslyndi flokkurinn er staðfastur flokkur sem stundar ekki hentistefnupólitík. 

Ef fólk vill raunverulega fá fram breytingar verður að hleypa þeim að sem hafa eitthvað nýtt fram að færa fyrir fólkið í landinu og eru í stjórnmálum af alvöru en ekki af léttúð og leikaraskap.

Ég hvet kjósendur til að hugsa af alvöru um það hvort það vill í raun og veru fá einhverjar breytingar. Frjálslyndi flokkurinn mun gera allt sem í hans valdi stendur til að halda vörð um hagsmuni heimilanna og fólksins í landinu. Til þess að svo geti orðið verður hann að fá menn kjörna á þing.

Setjum X við F á kjördag.

Nei það er hann aldeilis ekki. Hann er að vísu eini flokkurinn sem vill gagngerar breytingar á kvótakerfinu og fiskveiðistjórnunarkerfinu til hagsbóta fyrir byggðir landsins. Aðrir flokkar reyna að krafsa lítið eitt út í loftið en meina minna en ekkert með því.

Frjálslyndi flokkurinn hefur í mörg ár talað fyrir daufum eyrum um:

• Breytingar á heilbrigðiskerfinu til hagsbóta fyrir barnafjölskyldur
• Breytingar á skattakerfinu til hagsbóta fyrir láglaunafólk
• Hækkun skattleysismarka til samræmis við lágmarkslaun
• Breytingar á vaxtastefnunni til hagsbóta fyrir fjölskyldur þessa lands
• Bætt kjör aldraðra og öryrkja
• Breytingar á tekjutengingum við laun maka aldraðra og öryrkja
• Skattfrjálsar húsaleigubætur til hagsbóta fyrir láglaunafólk
• Að námslán fylgi launaþróun til hagsbóta fyrir námsmenn

Þetta er lítið brot af þeim málefnum sem Frjálslyndi flokkurinn hefur haft á stefnuskrá sinni undanfarin ár.

Er ekki kominn tími til að hlusta á stefnumál Frjálslynda flokksins og taka þau alvarlega ?

Frjálslyndi flokkurinn hefur aldrei tekið þátt í neinu peningasvindli eða staðið í neinum feluleik með fjárframlög til flokksins. framlög til flokksins hafa verið og eru öllum opin á heimasíðu flokksins xf.is

Viljum við áframhaldandi sukk og svínarí stórflokkanna ?

Ungt fólk , fjölskyldufólk , einstaklingar , aldraðir og öryrkjar ættu að fylkja sér um Frjálslynda flokkinn í komandi kosningum og uppskera breytingar sem munu skila okkur betra samfélagi.

Ef þú kjósandi góður vilt gefa okkur tækifæri til að vinna fyrir þig að betri framtíð setur þú X við F á kjördag.

Nú gleðjast margir sannir frjálslyndir. Koma Jóns í flokkinn olli nokkrum usla og missti flokkurinn marga góða stuðningsmenn.

Það er alltaf erfitt þegar kraftmiklir menn eins og Jón láta til sín taka því það verða alltaf einhverjir undir í þannig baráttu. Kannski átti hann aldrei neitt erindi í flokkinn. Hann er og verður sjálfstæður maður sem fellur illa að þurfa að lúta flokksstefnu. Hann vildi breyta flokknum sér í hag. 

Ég hef heyrt í nokkrum fyrrverandi stuðningsmönnum í dag og vonandi koma þeir til baka aftur , nema ef ske kynni að koma Sturlu Jónssonar í flokkinn geri endanlega út af við hann. Það væri slæmt því þessi flokkur hefur svo margt gott fram að færa.

Vonandi tekst að snúa vörn í sókn á Landsfundi og byggja upp sterka forystu raunverulegra frjálslyndra og fá öflugt fólk á listana svo árangur verði góður í kosningunum í vor.

Já var það ekki.

Davíð er jú bara Davíð og tekur sér sinn tíma til að skoða hvort hann eigi nokkuð að fara úr Svartakastala.

Hann er auðvitað yfir alla hafinn og þarf ekki að taka við fyrirmælum frá neinum.

Er þetta í lagi ?

Hvað er þetta annað en valdagræðgi Geir minn góður ?

Ekki er þetta vinstri maður eða hvað ?

Sama hvort maðurinn heitir Davíð eða eitthvað annað þá kallaði þjóðin eftir breytingum og það verður að virða óskir þjóðarinnar til að hægt verða að taka til eftir 18 ára sukk og svínarí.

Mér sýnist ýmislegt jákvætt vera að gerast hjá nýjum stjórnendum og vonandi fá þeir að sýna hvað í þeim býr í friði fyrir sívælandi sjálfstæðismönnum sem finna allt að þó þeir hafi reyndar ætlað að gera þetta allt sjálfir að eigin sögn.

Ég er þó sammála sjálfstæðismönnum um eitt þ.e. að hvalveiðar eiga að hefjast sem fyrst. Við þörfnumst þeirra starfa sem þeim fylgja. Látum ekki erlenda atvinnumótmælendur hræða úr okkur líftóruna.

Æ,æ,æ, ekki er nú komið að tómum kofanum hjá sjálfstæðismönnum frekar en fyrri daginn.

Bara tilbúin tvö frumvörp til bjargar landanum. Ekki tókst þeim þó að finna neitt hjá sjálfum sér , heldur var farið beint í punktana frá nýju stjórninni og hraðsoðin frumvörp til að reyna að hefja sig til flugs. En ég trúi því að þeir brotlendi angaskinnin. Þjóðinni er bara alls ekki viðbjargandi ef þetta eykur stuðning við íhaldið.

Ég er hrædd um að jafnvel hörðustu sjálfstæðismenn sjái hvílík hræsni þetta er , því að þó efni frumvarpanna séu góð er alveg víst að hugur fylgir ekki máli. Ef sú væri raunin hefðu þeir lagt þetta fram meðan þeir voru enn við völd.

Er virkilega svo komið fyrir íhaldinu að engir ferskir vindar blási þar lengur ?  Vist er að menn þar á bæ flutu svo lengi sofandi að feigðarósi og strönduðu að lokum að ekki er hægt búast við miklu af þeim.

Ég vil nota tækifærið og óska Guðbjarti Hannessyni til hamingju með nýja embættið. Hann á eftir að standa sig vel í því.